kuchh alfaaz unke liye
jis mod par chhoda tha aapne,
ham aaj bhi wahi par khade hain,
aap to kho gaye ranginion me apni,
kaise kahe is dil me dard bade hain.
har pal bas aapki yaad aati hai,
woh muskurahat hame ab bhi satati hai,
bhoolne ki koshish jitni bhi karo,
yaad me aapki palke gili ho jaati hain,
kaisi yeh takdeer hai mere pyaar ki,
dil me aarjoo hai bas unke didar ki,
woh khoye hain apne me aise,
hichki bhi nahi aati unhe mere pyaar ki,
yaad karke so jaata hoon unhe mai,
najron ke aaine me unhe qaid kake,
unki aankhen unki baate unka chehra,
yahi bacha hai itna safar tay karke,
woh kahte hain hame pyaar karna aata nii,
kaise kahe unke siva koi hame bhata ni,
yun to raah me milte hain kai haseen ,
but har haseen mannjil tak pahuchata ni

kaisi yeh jeeevan ki kahani hai,
kabhi socho to bahta paani hai,
kuchh palon ko jeekar jinda rahte hain ham,
kuchh khas ni teri meri kahani hai yeh,
mil gaye kuchh yaar to sawar gayi yeh,
dosti yaari pyaa se nikhar gayi yeh,
jo yaar ki judai ka ehsaas hua to,
bankar ash aankhon se bikhar gayi yeh,
har lamha kuchh yaad churaye baitha hai,
kuchh khwab band palkon me sajaaye baitha hai,
mill gayi rahat jo mila kisi haseen ka saath,
raaton ko uth uth kar uski yaad me jagaaye baitha hai

raah me kabhi thokar to kabhi hasi milti hai,
unke dard me bhi ajeeb si khushi milti hai,
karte hain ijhaar duniya ke saamne unke deewane hokar,,
saamne aate hi unke jubaan khamoshi se silti hai,
kya kahe kuchh samajh ni aati hai yeh jindagi
jitna samjho utna ulajhti jaati hai jindagi
har saans se judkar chalti hai saath yeh,
aur kabhi na jeene ka sabab ban jaati hai jindagi,

Bas ye hi gila, hai Zindgi se
Humein kya mila, hai Zindgi se

Gamo ki aandhi hain dukh ke saaye hain
Sitam jaane kya kya humne uthaye hain
Bas ye hi gila, hai Zindgi se
Humein kya mila, hai Zindgi se

Andhere hi andhere hain roshni nahi hai
Sabko chaand mila mujhe chaandni nahi hai
Bas ye hi gila, hai Zindgi se
Humein kya mila, hai Zindgi se

Sabke sangi saathi hain sab khushi se ji rahein
Zahar ye judaai wala bas hum hi pi rahein
Bas ye hi gila, hai Zindgi se
Humein kya mila, hai Zindgi se

Har koi has raha meri aankhoon mein hi paani hai
Meri barbaadiyoon ki ye jaise koi nishani hai
Bas ye hi gila, hai Zindgi se
Humein kya mila, hai Zindgi se

CAHAT KE IS SHAHAR ME HAMARA BHI NAAM HOTA,

JAHA HAMARA CHARCHA AAM HOTA,

GUJRATI MAHFILEN HAMAARE HI NAAM SE,

TERA NAAM MERE NAAM SE BADNAAM HOTA,

GUJRATE PAL AAPKI HASIN PLAKON KE TALE

CHAND SAASON KO RAHAT SI MIL JAATI,

HAANTHO ME TERA HAANTH LEKAR CHALTA UMRA BHAR,

TOH YEH JINDAGI HASIN KHWABON ME BADAL JAATI,

true story

WAQT KI IS TEJ RAFTAAR JINDAGI ME,

HAMESHA KHUD KO KHUD SE DOOR PAYA HAI

KHWABON KI IS HASEEN SARJAMI PAR,

HAMESHA DARDNAAK MANJAR HI AAYA HAI

RAHAT SE GUJRE YEH PAL KABHI,

YEH SAPNA DIL ME BAAR BAAR AAYA HAI

YUN TO DASTAK DI HAI HAMNE MAIKHANE ME KAI BAAR,

JAAM KHAMOSHI KA HAR WAQT MERE HAANTH AAYA HAI

story of noida

tej aandhi me aashiyana banane ki,
khwahish me nikle the ghar se ham,
anjaan shahar anjaan log ek naya mahaul,
yeh dekh pahle to dar gaye ham,
waqt nahi kisi ke paas kisi ke liye,
bas paise ki daud me shamil hai har koi,
kaam ka hua to kaam nikal liya,
aur socha aage fir milega koi na koi .
ek pal ka thahraav nahi hai is jindagi me,
bas ret si fislti ja rahi hai,
jitna kareeb jakar pakdana chaho,
utna hi khud se door ja rahi hai.
unche ghar society par dil kahin chhote hain,
ek flat me ek kamre me 4 log sote hain,
jhooti shano shaukat ke kayal hain yeh.
par tanhai me kahi na kahi khud par rote hain,
ghutan ka mahaul aur hawa bhi kharchili hai,
jis par najar daal do wahi ladki sharmili hai,
na society na mutual interaction hai yaha par,
rishton ki mahak bhi jaise jahrili hai,